Վիրաբույժները հեռացրել են 9-ամյա աղջկա շնչուղիներում հայտնված ատամը

 

Արտասովոր դեպք է տեղի ունեցել Թուրքիայում. 9-ամյա աղջկա շարժվող կաթնատամը հայտնվել է շնչուղիներում: Տագնապ են բարձրացրել նրա ծնողները, որոնք առավոտյան հայտնաբերել են ատամի բացակայությունը:

Միացեք Armenia Today Ֆեյսբուքյան խմբին։

Clinical Case Reports International ամսագրում հրապարակված հաշվետվության համաձայն՝ հետազոտելիս բժիշկները հայտնաբերել են, որ երեխայի ձախ թոքը չի գործում այնպես, ինչպես պետք է: Ռենտգենը ցույց է տվել շնչուղիներում օտար մարմնի առկայություն: Ատամը հանվել է վիրաբուժական ճանապարհով, եւ երեխայի առողջությանը ոչ մի բան չի սպառնում:

Նշվում է, որ ծնողների ժամանակին արձագանքելն օգնել է փրկել պացիենտի կյանքը, ում անունը չի հրապարակվում: Շնչուղիներում օտար մարմնի ասպիրացիան (FBA) չափազանց վտանգավոր է, հատկապես 3 տարեկանից փոքր մանուկների համար: Այն կարող է առաջացնել շնչահեղձություն կամ գիտակցության կորուստ, թոքերի աբսցես կամ թոքաբորբ: Մասնագետների կարծիքով՝ FBA-ի վտանգավորության մասին ծնողների տեղեկացվածությունը չափազանց կարեւոր է մանկական մահացության ցուցանիշների նվազեցման տեսակետից:

https://med.news.am/arm/news/22510/virabuyzhnery-heracrel-en-9-amya-axjka-shnchuxinerum-haytnvats-atamy.html

Be the first to comment on "Վիրաբույժները հեռացրել են 9-ամյա աղջկա շնչուղիներում հայտնված ատամը"

Leave a comment

Your email address will not be published.


*