Տղամարդու ստամոքսից ավելի քան 100 մեխ են հեռացրել (ֆոտո)

 

Հնդկաստանի 43-ամյա բնակիչ Բխոլա Շանքարը ողջ է մնացել այն բանից հետո, երբ 116 մեխ է կուլ տվել, որոնցից յուրաքանչյուրի երկարությունը գերազանցել է 5 սմ-ն:

Անգամ հոսպիտալացման շրջանում տղամարդը իրեն չի զրկել մետաղի եւ մետաղալարերի կտորների օգտագործումից:

The Daily Mail-ը հաղորդում է, որ բժիշկները Բխոլային հոգեպես անառողջ են ճանաչել եւ նրա մոտ շիզոֆրենիա ախտորոշել:

Պացիենտն ինքն էլ չի կարողացել բացատրել, թե ինչու է ոչ ուտելի առարկաներ կուլ տվել: Հայտնի է միայն, որ նման արտասովոր սննդակարգը նա գաղտնի է պահել ընտանիքից:

Միացեք Armenia Today Ֆեյսբուքյան խմբին։

Բարեբախտաբար մեխերը չեն վնասել նրա ներքին օրգանները: Բժիշկները նշում են, որ հակառակ դեպքում հետեւանքները կարող են ճակատագրական լինել: Հաղորդվում է, որ մեխերի հեռացման երկարատեւ վիրահատությունից հետո պացիենտն աստիճանաբար ապաքինվում է:

https://med.news.am/arm/news/22187/txamardu-stamoqsic-aveli-qan-100-mekh-en-heracrel-foto.html

Be the first to comment on "Տղամարդու ստամոքսից ավելի քան 100 մեխ են հեռացրել (ֆոտո)"

Leave a comment

Your email address will not be published.


*